Орын алған жағдайға қарамастан, АМӨЗ жинақталған қор есебінен мұнай өнімдерін жөнелтуді жалғастыруда. Бүгінгі таңда зауыт резервуарларында: 26 мың тонна автобензин, 34 мың тонна дизель отыны, 1 500 тонна сұйытылған мұнай газы, 6 мың тонна авиакеросин қоры бар. Бұл көлем мұнай өнімдерін бір апта бойына тұрақты жөнелтуге жеткілікті.
«Электр қуаты тұрақты беріле бастаған сәттен зауыттың технологиялық қондырғылары қалыпты жұмыс режиміне біртіндеп көшті», - деп хабарлады АМӨЗ-дің бас директоры Мұрат ДОСМҰРАТОВ.
Апта соңына дейін кәсіпорын мұнай өнімдерін бұрынғы көлемде шығара бастайды деп жоспарланып отыр.
Еске сала кетейік, 3 шілде күні сағат 17:25-те (жергілікті уақыт) KEGOC АҚ тарапынан электр қуатының өшірілуі салдарынан зауыт жұмысын тоқтатты. Технологиялық қондырғылардағы шамадан тыс қысым факелдік қондырғыларға жіберілді.
Сағат 19:35-те (жеріглікті уақыт) KEGOC АҚ тарапынан электр энергиясын беру процесі қалпына келтірілді.