Семинарға зауыттың 6 маманы қатысты. Іс-шараның сәтті өтуі жұмысшылардың қауіпсіздігі мен өндірістік процестің үздіксіз жүруін қамтамасыз етеді. Осы мақсатта зауыт инженерлері бір ай бойы кәсіпорындағы құбырлар мен бақылау-өлшеу аспаптарының, технологиялық процестердің схемаларын талдады. Әр қондырғының жұмысы туралы деректерді егжей-тегжейлі зерттеп, жобалық көрсеткіштерден ауытқу немесе құрылғылардың істен шығу қаупін анықтады.
Сессияны HAZOP анализін өткізудің жоғары санатты маманы – Гүлнәр Әбілханова жүргізді.
«HAZOP әдісі арқылы зерттеу – өндірістік нысандардағы апаттық жағдайлармен күресуге және олардың алдын алуға көмектеседі», – дейді АМӨЗ-дің өндірісті дамыту бөлімінің бас инженері Айзада Ғалиева.
Сессия соңында қатысушылар технологиялық қондырғылардың жұмысындағы ықтимал қауіпті жағдайлардың алдын алу үшін қажетті кеңестер мен ұсыныстар айтты.
АМӨЗ іс-шара барысында жинақталған ақпарат негізінде технологиялық қондырғыларды қауіпсіз әрі сенімді пайдалану деңгейін арттыруды көздейді. Бұған дейін HAZOP әдісі арқылы ЭЛОУ АВТ-3, каталитикалық риформинг (CCR) және каталитикалық крекинг (R2R) қондырғыларында да ықтимал қауіптер анықталған болатын.