Зауыт басшылары салтанатты жиынға қатысқандарды кәсіби мерекелерімен құттықтап, алға қойылған мақсаттарға табысты қол жеткізуді тіледі.

  Шара барысында еңбектері жоғары бағаланған 9 қызметкер ҚР Энергетика Министрлігінің «Мұнай-газ кешенін дамытуға қосқан үлесі үшін» медалі, «Мұнай-газ саласының еңбек сіңірген қызметкері» төсбелгісі, ведомоствоның құрмет грамотасы және алғыс хатымен марапатталды.

  2 зауыттық «Самұрық-Қазына» АҚ-ның құрмет грамотасын иеленсе, «ҚазМұнайГаз» ҰК АҚ-ның құрмет грамотасы 3 маманға, естелік белгісі 2 қызметкерге табысталды.  4 жұмысшы Атырау облысы әкімінің алғыс хатымен, ал 5 зауыттық қала әкімінің алғыс хатымен марапатталды.  8 қызметкер Мұнай-газ-химия өнімдерін өндірушілер мен тұтынушылар Қауымдастығының құрмет грамотасын және алғыс хатын иеленді. 2 жұмысшыға салалық кәсіподақтың құрмет грамотасы табысталды.

  Сонымен қатар 129 қызметкер құрмет грамотасы, алғыс хаттармен марапатталып, «Зауыт ардагері», «Үздік өндіріс бастығы», «Үздік бөлім бастығы», «Үздік қондырғы бастығы», «Үздік механик» және «Кадр қызметкері» атанды. 16 маманның есімі «Құрмет тақтасына», ал 14 зауыттықтың ата-жөні «Құрмет кітабына» жазылмақ. 8 зауыт зейнеткері де мереке қарсаңында түрлі марапаттарға ие болды.