Жұмыскер ықшам ауданындағы Жайық жағалауында өткен экологилық іс-шараға  200-ге жуық қала тұрғыны қатысты. Олардың арасында зауыттықтар, қаладағы өзге де компания өкілдері мен «Жасыл ел» еңбек жасағының сарбаздары бар.
   АМӨЗ жұмысшылары мұндай іс-шаралардың шаһар экологиясын жақсарту үшін қажеттігін, сондай-ақ өскелең ұрпаққа қоршаған ортаны қорғаудың маңыздылығын іспен көрсеткен дұрыс екендігін айтады.
   «Биыл «Таза қала - таза жағалау» акциясы қала аумағында 8 рет өткізілді. Аталмыш іс-шараларға эко-жанашырлардан бөлек жергілікті ірі кәсіпорын жұмысшыларының да белсенді қатысуы көңіл қуантады», - дейді «Жасыл ел» жастар еңбек жасағының облыстық штаб жетекшісі Бекарыс Закария.
   2 сағатқа созылған акция барысында 10 текше метрден астам қоқыс жиналды.
   Аймақ экологиясын жақсартуға мүдделі кәсіпорындардың бірі ретінде АМӨЗ алдағы уақытта да тазалық акцияларын қолдауды жалғастыратын болады.  

Баспасөз бөлімі