Акцияға қатысушылар «Тұрғындар қалашығы» шағын ауданының аймақтарын, Әуезов, Мұқанов, Шарипов көшелерін және Ақшағыл өткелін ретке келтірді. Зауыттың барлық құрылымы бірігіп, қыс бойы жиналған 37 текше метр қоқыс шығарды. Сондай-ақ олар жерді арамшөптерден тазалап, жердегі құрғақ бұтақтарды реттеп, алдыңғы жылғы шөп, қағаз,пластикаларды жинастырды.

Шараға қатысушылар сенбілік тазалық жұмыстары қалалық тұрғындарға да үлгі болатынын айтты.

- Қалалық және республикалық экологиялық науқандарға қатысу біз үшін дәстүрге айналды. Біздің кәсіпорынның қызметкерлері қаланы тазарту туралы үндеуге әрдайым қуана жауап береді, – деді «АМӨЗ»  ЖШС әкімшілік бөлімінің басшысы  Галима Гизатуллина.

Атырауда жалпықалалық сенбіліктер 30 сәуірге дейін жалғасады. Осындай іс-шаралардың  экологиялық жағдай үшін ерекше маңызды екенін ескере отырып, зауыт жұмысшылары сенбілікке әрқашан ынтамен қатысуға дайын.