Мемлекеттік мереке - Астана Күнімен шын жүректен құттықтауымызды қабыл алыңыздар! 1998 жылдан бастап жаңа Қазақстанның елордасы - Астана қаласы. Гүлденген мемлекеттің астанасына айналған қаланың бай да қызықты тарихы бар. Ақмола даласында сандаған жылдар бойы өркениет пен түрлі мәдениет қалыптасты. Осы даламен Ұлы Жібек жолы өткен. Халқы дәстүрлі егін, мал шаруашылығымен айналысты. Қолөнер мен ұсталық кәсіпшілік те дамыған өңір. ХІХ ғасырда Ақмола мекенінде Ақмола қаласы тұрғызылып, әскери және сауда-экономикалық орталыққа айналды. Өткен ғасырдың 60 жылдары тың жерлерді игергеннен кейін Ақмола қаласы Целиноград атауына өзгертілді. 1992 жылы қалаға тарихи Ақмола атауы қайтарылды. Ал, 1998 жылдың 6 мамырында Қазақстанның астанасы мәртебесін алуына байланысты қалаға Астана атауы берілді. Дихандар мен шеберлердің, еңбекқор халықтың ежелгі мекені тәуелсіз елдің мемлекеттік, қоғамдық және мәдени орталығына айналды. Осынау жылдар ішінде жас астана гүлденіп, даму сатысына түсті. Жас елорданың мерекесі әрбір қазақстандықтың жүрегіне қуаныш ұялатып, ертеңге деген сенімді шыңдай түсуде. Астана – Елбасымыз Нұрсұлтан Назарбаевтың басшылығымен қарыштап дамыған мемлекеттің айқын бейнесі және мәңгілік достықтың символы. Астана – әсем сәулеттік келбеті бар болашағы жарқын қала. Астана Күні мерекесінде Сіздерге бақытты да баянды өмір, зор денсаулық, қажымас қайрат, жемісті еңбек, шаңырағыңызға шаттық пен қуаныш, құт-береке тілеймін. Сүйікті қаламыз- ару Астана көркейе берсін! Ізгі тілекпен, «Атырау МӨЗ» ЖШС Бас директоры Қайрат Оразбаев