Румыниялық студенттер Атырау МӨЗ-де болды

Іс-шара барысында қонақтар зауыттың негізгі технологиялық қондырғылары, мұнай өңдеу кезеңдері, сондай-ақ өндірістік процесте қолданылатын технологиялар туралы ақпарат алды. Студенттер дайын өнім сапасын бақылау, көмірсутекті газдарды өңдеу және күкірт өндіру мәселелеріне ерекше қызығушылық танытты.

Кейін делегация Атырау МӨЗ-дің мұражайын аралап, Қазақстандағы алғашқы мұнай өңдеу зауытының салыну және даму тарихымен танысты.

Сапар соңында студенттер экскурсияны ұйымдастырушыларға алғыс айтып, өндірістік процестермен толығырақ танысу үшін зауытқа қайта келуге ниетті екендерін жеткізді.


«Атырау мұнай өңдеу зауыты» ЖШС баспасөз қызметі