Атырау МӨЗ-дің экопосттарындағы деректер сайтта көрсетіледі

Сайттың басты бетінде зауыттың санитарлық-қорғау аймағының шекарасында орналасқан «Перетаска», «Химпоселок», «Мирный» және «Пропарка» экологиялық посттарының көрсеткіштері нақты уақыт режимінде көрсетіледі.

Қала тұрғындары атмосфералық ауадағы күкіртсутек (H₂S), азот оксиді (NO), азот диоксиді (NO₂), күкірт диоксиді (SO₂), көміртек оксиді (CO) концентрациясын, сондай-ақ желдің бағытын бақылай алады. Деректер тікелей «Қазгидромет» РМК-дан алынып, әр сағат сайын жаңартылады. Сонымен қатар, экопосттардағы деректерді зауыт аумағына кіреберісте орналасқан LED-экраннан да көруге болады.

Атырау МӨЗ-де экологиялық мониторинг жүйесі 2010 жылдан бері жұмыс істейді. Ол атмосфералық ауаның сапасын үздіксіз бақылауға мүмкіндік береді.

Қоғам алдындағы ашықтық – зауыт қызметінің негізгі қағидаттарының бірі. Кәсіпорын қала тұрғындарын экологиялық қызметі және оның нәтижелері туралы тұрақты түрде ақпараттандыруды жалғастырады.

«Атырау мұнай өңдеу зауыты» ЖШС баспасөз қызметі