Атырау мұнай өңдеу зауытының 80 жылдық мерейтойына орай ұйымдастырылған іс-шаралар легі жалғасуда.
Бұл жолы кәсіпорын қызметкерлері қала әкімдігімен бірлесіп Жеңіс саябағында 55 түп қылқан жапырақты ағаш отырғызды. Игі шара шаһардың экологиялық жағдайын жақсартуға, сондай-ақ Жеңістің 80 жылдығы қарсаңында жаңартылып жатқан саябақтағы жасыл желек аумағын кеңейтуге бағытталған.
«Біз қоршаған ортаға қамқорлық жасауды қоғам алдындағы маңызды жауапкершілігіміз деп санаймыз. Мұндай бастамаларға белсенді қатысу — өңірдің экологиялық болашағына қосылатын зор үлес», — деді АМӨЗ өкілдері.
Айта кетейік, Атырау мұнай өңдеу зауытының 80 жылдығына арналған іс-шаралар жыл бойы жалғасып, экологиялық, әлеуметтік және мәдени бағыттағы түрлі жобаларды қамтиды.
«АМӨЗ» ЖШС Баспасөз қызметі
Back to news list
