Меморандумның мақсаты – өңірдегі экологиялық жағдайды қалпына келтіру және қоршаған ортаның сапасын жақсарту. Абаттандыру жұмыстарын жүргізу үшін Атырау облысының табиғи ресурстар және табиғат пайдалануды реттеу басқармасы орман қорынан 20 гектар жер бөлді.

Қазіргі кезде ағаш отырғызу кестесі келісіліп, су құбыры және су бұру желілеріне  қосылуға техникалық шарттар рәсімделді. Электр желілеріне қосылудың техникалық шарттарын алу процесі, сондай-ақ абаттандыру және көгалдандыру жобасын әзірлеу жалғасуда. Жұмыстар аяқталғаннан кейін нысан Атырау қаласы әкімдігі анықтаған мекеменің балансына тапсырылады.

Сонымен қатар, АМӨЗ Атырау қаласы әкімдігіне биіктігі 3,5-4 м құрайтын, жабық тамыр жүйесі бар, жетілген 200 түп күлтелі ағаш тапсырды. Ағаштар ретро-саябақ аумағында отырғызылады.