2014 жылдың 26 ақпанында «ҚазМұнайГаз-өңдеу және маркетинг» АҚ Бас директорынының бірінші орынбасары Ерболат Қожабаев «АМӨЗ» ЖШС еңбек ұжымымен кездесті

26.02.2014
777 просмотров
2014 жылдың 26 ақпанында «ҚазМұнайГаз-өңдеу және маркетинг» АҚ Бас директорынының бірінші орынбасары Е.Қожабаев «АМӨЗ» ЖШС еңбек ұжымымен кездесті.

Кездесуде Елбасының «Қазақстан жолы - 2050: бір мақсат, бір мүдде, бір болашақ» атты жолдауы аясында 2013 жылдың қорытындылары және 2014 жылдың мақсаттары талқыланды.

2013 жылы «АМӨЗ» 4,4 млн тонна мұнай өңдеді. Өңдеу тереңдігі 59,8%. Өндіріс шығындарын азайтудың нәтижесінде мұнай өңдеу бойынша еңбек өнімділігі - 1 адамға 1,828 мың тонна (жоспарға 105,8%).

Көптеген өндіріс көрсеткіштерінің өсуі байқалады: автобензин (жоспарға 6%), соның ішінде жоғарғы октанды (жоспарға 2%); дизель отыны, соның ішінде экологиялық таза дизель отыны (жоспарға 23%), сұйытылған газ (жоспарға 26%), вакуумдық газойль (жоспарға 4%).

Операциялық шығындардың азайтылуы нәтижесінде «АМӨЗ»-ның қорытынды табысы жоспарланған нәтижеден 37,1%-ға өсті.

2013 жылдың ішінде Қазақстан Республикасының үдемелі индустриялық-инновациялық даму мемлекеттік бағдарламасы аясында «Ароматикалық көмірсутектер шығару кешені құрылысы» (АКШ) және «Мұнайды тереңдетіп өңдеу кешені құрылысы» (МТӨК) инвестициялық жобаларын жүзеге асыру шаралары жасалды.

«АКШ құрылысы» жобасы бойынша мұнай химиясы үшін шикізат (бензол және параксилол) өндіру қарастырылған. Келісім шарт құны - 1 063 млн. АҚШ доллары. 2010 жылдан бастап «АМӨЗ»-нда құрылыс-монтаждау жұмыстары жүргізілуде. Ароматикалық көмірсутектер шығару кешенін мемлекеттік комиссия 2014 жылдың қыркүйегінде қабылдап алады.

АКШ жобалық қуаттылыққа шыққан соң құрамындғы күкіртті қосылыстар, ластағыш заттар мөлшерін азайту (көміртек тотығы және азот) және заманауи технологиялар мен технологиялық жабдықтарды қолдану есебінен қоршаған ортаға әсерді төмендету қамтамасыз етілмек.

«АМӨЗ»-нда іске асырылып жатқан екінші ірі жоба - «Мұнайды тереңдетіп өңдеу кешені құрылысы» (МТӨК) келісім шарттың құны 1 680 млн АҚШ доллары.

Бұл жоба мұнай өңдеу тереңдігін арттыруға, зауыт өнімінің экологиялық сапасын өсіруге және өндірістің экологиялық қауіпсіздігін қамтамасыз етуге бағытталған.

Бүгінде «МТӨК құрылысы» жобасы бойынша жұмыс құжаттарын жасақтау, жабдықтар мен материалдарды жеткізуге тапсырыстар беру бойынша жұмыстар жүріп жатыр. Осы жылы сәуірдің ортасынан бастап кең көлемді құрылыс жұмыстары басталады.

Инновациялық шығармашылықты дамыту мақсатында 2013 жылы зауыттың барлық қызметтеріне инновациялық ұсыныстар беру мүмкіндігі пайда болды. Осылайша, 2013 жылдың қорытындысы бойынша «АМӨЗ» қызметкерлері тарапынан 40 өнертабыстық және 22 инновациялық ұсыныстар қабылданды.

Қоршаған ортаны қорғауда және кәсіпорынның шаруашылық қызметінде «АМӨЗ» жақсы көрсеткіштерге жетті.

Еліміздегі табиғат пайдаланушылардың арасында алғашқылардың бірі болып көшетжай газдарды шығару квотасының сертификатына ие болып, 2013 жылға арналған қосымша квоталар дайындалды. Сарқынды суларды биологиялық тазалау қондырғысының толассыз жұмысының нәтижесінде буландыру алаңына шығарылатын ағынды сулардың құрамындағы зиянды заттардың мөлшері шектеумен салыстырғанда 70%-ға кеміді. Сарқынды суларды сапалы тазарту оларды қайтадан пайдалануға мүмкіндік берді. Соның салдарынан буландыру алаңына жіберілетін сарқынды судың көлемі шектеумен салыстырғанда 63%-ға азайтылды.

Назад к списку новостей

Соңғы жаңалықтармен таныс болыңыз.
Таратуға жазылыңыз!
Жазылу