2014-2022 жылдарға арналған “Атырау МӨЗ» ЖШС даму стратегиясы серіктестіктің негізгі қызмет түрлері бойынша даму бағыттарын анықтап, кәсіпорынның стратегиялық тұрақтылығын және серіктестіктің экономикалық тиімділігін арттыруды көздейтін 2014 – 2022 жылдар аралығына белгіленген сандық және сапалық көрсеткіштерді қамтиды. Стратегия жобасы алдын ала «АтырауМӨЗ» ЖШС Басқармасының шешімімен мақұлданған (хаттама № 362 / 22 тамыз 2014 жыл).

Стратегияның мақсат-міндеттері «ҚазМұнайГаз-өңдеу-маркетинг» акционерлік қоғамының 2014-2022 жылдарға арналған стратегиясымен үндес. Сондай-ақ, стратегияда ұжымдық басқарудың тиімділігін, өндірістегі қауіпсіздік деңгейін арттыру, экологиялық тәуекелдерді төмендету, кадр саясатын, әлеуметтік жауапкершілікті жетілдіру сынды қосымша мүдделер көзделген.