Қазақстан Республикасы Президенті Әкімшілігінің мемлекеттік инспекторы Ермек Алпысовтын Атырау мұнай өңдеу зауытына жұмыс сапары

25.11.2015
1287 просмотров

Үстіміздегі жылдың 23 желтоқсанында Атырау облысына болған жұмыс сапары барысында Қазақстан Республикасы Президенті Әкімшілігінің мемлекеттік инспекторы Ермек Алпысов Атырау мұнай өңдеу зауытында болды. Мәртебелі мейманды зауыттың Бас директоры Қайрат Оразбаев қарсы алып, кәсіпорынның тыныс- тіршілігімен таныстырды.

          Зауытпен танысу шаралары технологиялық қондырғыларға барудан басталды.
          Қайрат Оразбаев өз баяндамасында атап өткеніндей, зауытта кәсіпорынды модернизациялаудың екі сатысы сәтті өткенін мәлімдеді. Біріншісі сатыда, зауыт К-2 санатты автомобиль бензинін және К-3,4 санатты дизещль отынын өндіру деңгейіне, экологиялық қауіпсіздік жағынан да жаңа сапалық деңгейге көтерілген. Қайта жабдықтаудың бірінші сатысының аяқталуы күкіртті тауарлы өнімге айналуына ұласқан гидрокүкіртсіздендіру технологиясын енгізумен, зауыттың тазалау қондырғыларын қайта жабдықтаудан өткізумен, қою мұнай өнімдері эстакадасының модернизациялануымен, жаңа алау жүйесінің құрылысымен ерекшеленді. Технологиялық қондырғылардың пайдалануға тапсырылуы нәтижесінде әлеуметтік маңызы жоғары мұнай өнімдерінің өнімі артты, экологиялық жағынан таза дизель отындарын және қоспалары жоқ дизель отындарын өндіру жолға қойылды, қоспасы бар авиакеросинді өндіру көлемінің артуына байланысты авиация отынын өндіру көбейтілді.
         Зауытты қайта жабдықтаудан өткізудің бірінші сатысының өзі де экологиялық көрсеткіштердің жақсаруына жағдай туғызды. Мұнайды өңдеу көлемінің жыл сайынғы артуына қарамастан, атмосфераға күкіртті ангидриттің жіберілуі азайтылды; булану көліне негізгі ластағыш- ағынды сулары бар мұнай өнімдерун жіберу азайтылды, фенолды лақтыру жылына 3,71 тоннадан 2002 жылы жылына 0, 063 тоннаға дейін 2014 жылы. Жайық өзенінен су алу мөлшері азайтылды (аймақтағы жалғыз жерүсті су қоймасы- жылына 10,3 млн. м3-ден 2004 жылына 4,63 млн. м3/ге дейін 2014 жылы. Және ішкі су айналымы көлемі көбейтілді.                Аймақтың экологиялық қауіпсіздігін қамтамасыз ету мақсатында кәсіпорынның шаруашылық қолданылысынан төмендегі улы және зиянды заттар шығарылды:: аммиак, тетраэтилсвинец, құрамында марган бар, октан көлемін көтеретін қоспалар («Хайтек» тәріздес), күкірт қышқылы.
         Сонымен қатар, АМӨЗ Бас директоры Қайрат Оразбаев «Ароматты күкіртсутегілерін өндіру кешені құрылысы» жобасымен таныстырып, жұмысын тоқтатпастан жалғастырып келе жатқан өндірістегі технологиялық құрылыс жұмыстарын жүргізе білетін ғажайып тәжірибесі бар мамандардың зауытта қызмет атқаратынын және осы жаңа қондырғыларда жұмыс жасауға мамандар қазірден-ақ дайындалып жатқанына мемлекеттік инспектор Е. Алпысовтың назарын аудартты.
          Мемлекеттік инспектор Е. Алпысов жаңадан ғана салынған CCR каталитикалық риформинг қондырғысына және ароматикалық көмірсутегілерін шығаратын кешенге шынайы қызығушылығы танытты. Сонымен қатар, ол Мұнайды терең өңдеу кешенінің құрылыс алаңдарына барды. Құрылыстың бас мердігерін таңдауға, жобалардың құнына, шығарылып жатқан өнімнің сапасы мен көлеміне, оның да құнына, қызметкерлердің дайындығына, зауыттықтардың әлеуметтік пакетіне қатысты мәселелер туралы сауалдар қойды. Барлық сұрақтарға да Қ. Оразбаев тиянақты жауаптар қайтарды. Сапар соңында мемлекеттік инспектор Е. Алпысовқа естілік кітаптар мен АМӨЗ туралы фильмі бар диск табысталды.

Назад к списку новостей

Соңғы жаңалықтармен таныс болыңыз.
Таратуға жазылыңыз!
Жазылу