Атырау МӨЗ-дің санитарлық-қорғау аймағында 1 000 көшет егілді

Жұмыстар зауыт пен Мирный кентінің арасындағы 17 гектар аумақта жүргізілді. Экоакцияға 100-ге жуық адам қатысты. Олардың қатарында Атырау МӨЗ-дің 50-ден астам қызметкері, облыстық экология департаментінің өкілдері, сөйлеу қабілеті бұзылған балаларға арналған № 3 облыстық арнайы мектеп-интернатының тәрбиеленушілері мен олардың ата-аналары, спорт секцияларының жас спортшылары және қала тұрғындары болды.

Қатысушылар өңірдің сортаң топырағына төзімді, биіктігі 2,5-3 метр болатын 300 түп айлант көшетін отырғызды. Осы аптада санитарлық-қорғау аймағындағы жасыл желектерді күтіп-баптауға жауапты мердігер ұйымның күшімен 700 түп көшет егілген болатын. Күзгі көгалдандыру науқаны аяқталғанға дейін тағы 2 000 түп шаған көшетін отырғызу жоспарланып отыр.

Акция соңында қатысушыларға түскі ас ұйымдастырылды. Мектеп-интернат тәрбиеленушілеріне алғыс хаттар табысталды.

Аумақты абаттандыру және көгалдандыру жұмыстары алдағы уақытта да жалғасады.

«Атырау мұнай өңдеу зауыты» ЖШС баспасөз қызметі