Атырау мұнай өңдеу зауытын қайта жаңғырту қорытындылары бойынша өткізілген мәжілістен

25.04.2016
1604 просмотров
Атырау мұнай өңдеу зауытын қайта жаңғырту қорытындылары         бойынша өткізілген мәжілістен
Қазақстан Республикасының Энергетика министрі Қанат Бозымбаев  жұмыс сапарымен Атырау мұнай өңдеу зауытында болды. Зауыт басында «ҚазМұнайГаз – өңдеу- маркетинг» АҚ және АМӨЗ басшылығы кәсіпорында жүзеге асып жатқан өндірістік қайта жаңғырту жобаларының жүзеге асуын баяндады.  
Қазақстан Республикасының Энергетика министрі Қанат Бозымбаев  жұмыс сапарымен Атырау мұнай өңдеу зауытында болды. Зауыт басында «ҚазМұнайГаз – өңдеу- маркетинг» АҚ және АМӨЗ басшылығы кәсіпорында жүзеге асып жатқан өндірістік қайта жаңғырту жобаларының жүзеге асуын баяндады.  

Энергетика министрі Қ.Бозымбаев зауытта жаңғырту бойынша салынған құрылыс алаңдарын аралап, жұмыс барысымен танысты. Одан соң, Атырау мұнай өңдеу зауытында кәсіпорындағы келелі жобалар жөнінде кеңейтілген мәжіліс өткізді.
«Атырау МӨЗ» ЖШС Бас директоры Қайрат Оразбаев өз баяндамасында Атырау мұнай өңдеу зауытын жаңғырту мен қайта құруға ароматикалық көмірсутектер шығару өндірісі кешені құрылысы (АКШ) мен мұнайды тереңдетіп өңдеу кешені (МТӨК) кіретінін атап өтті.
Зауыттағы ароматикалық көмірсутектер шығару кешенінің (АКШ) бірінші іске қосу нысандарын құрамына ҚР Энергетика министрлігінің, «ҚазМұнайГаз» ҰК АҚ, «ҚазМұнайГаз» АҚ –өңдеу - маркетинг, Атырау облысы әкімдігінің және басқа да мемлекеттік қадағалаушы органдарынан құрылған Мемлекеттік қабылдау комиссиясы 2015 жылдың 4 желтоқсанында пайдалануға қабылдап алған болатын. Мемлекеттік қабылдау комиссиясы екінші іске қосу нысандарына кіретін жалпызауыттық шаруашылықтарды қабылдау Актісіне 2015 жылдың 25 желтоқсанында қол қойды.
2015 жылы АКШ кешенінде іске қосу-баптау жұмыстары жүргізіліп, ароматикалық көмірсутектер: бензол мен параксилолдың алғашқы өнеркәсіптік-тәжірибелік партиясы алынды. Кешен сызбасының икемделігі арқасында оны екі бірдей мақсатта пайдалануға болады: отындық және мұнайхимиялық нұсқалар. Отындық нұсқа жоғары октанды бензин өндірісін мейлінше молайтуға жол ашпақ. Ал, мұнай-химия нұсқасы мұнай-химия саласына бензол мен параксилолды шикізат ретінде өндіруге бағыталған.
Сондай-ақ, өндірістегі инновациялық технологиялар Атырау мұнай өңдеу зауытынан шығатын автомобиль бензиндерінің сапасын К-3 стандартына жеткізіп, Кедендік Одақтың Техникалық регламентіне сәйкес, оның құрамындағы бензолды 1%-ға дейін төмендетпек. Кешеннің бірінші іске қосу нысандары құрамында бензол мен параксилол мөлшері төмен автокөлік бензинінің тұтыну есебінен аймақтың экологиялық ахуалын жақсарта түспек.
Зауытта «Мұнайды терең өңдеу кешенінің (МТӨК) құрылысы» жобасы аяқталу сатысында. Жобаның механикалық бөлігін аяқтау 2016 жылы межеленген. Бүгінде мұнайды тереңдетіп өңдеу кешенінде (МТӨК) құрылыс-монтаж, қондырғыларды орнату жұмыстары қарқын алды. Құрылыс алаңдарында діңгектерді қағу толық аяқталды, бетондау жұмыстары бітіп қалды. Жабдықтармен қамтамасыз ету және орнату тоқтаусыз жүргізілуде. Ірі көлемді қондырғылардың тапсырысын дайындау 100 пайызға орындалып тұр, соңғысы үстіміздегі жылдың тамыз айында жеткізіледі.
«SinopecEngineeringGroup» компаниясы 716 дана құрал-жабдықтың 679-ын, «Марубени» 441 дана құрал-жабдықтың 386-сын,  «КазСтройСервис» 53 дана құрал-жабдықты жеткізіп қойды. Сондай-ақ, кешен құрылысында құбырлар мен металл құрылғыларды ауқымды монтаждау жұмысы жүргізіліп жатыр.
Жаңа кешенде өндірістік жұмысты жүргізу үшін персоналды оқыту қолға алынды.
Атырау мұнай өңдеу зауытында мұнайды тереңдетіп өңдеу кешені (МТӨК) іске қосылысымен  К-4 және К-5 (Евро-4, Евро-5 тектес) стандарттарындағы бензин шығарылады. Мұнайды тереңдетіп өңдеу ұлғайып, өндірісте ашық түсті мұнай өнімдерінің (бензин, дизель отыны) үлесі артады.
Зауыттың мұнайды өңдеу қуаты жылына 5 тен 5,5 млн. тоннаға дейін жеткізіліп, құрамында зиян мөлшері төмен автокөлік бензинінің тұтыну есебінен аймақтың экологиялық ахуалы жақсармақ.
       Кешен құрылысына 1800 адам тартылған.
Мәжіліс соңында ҚР Энергетика министрі зауыттағы қайта жаңғырту жобасы құрылысының сапалы жүргізіліп,  2016 жылдың соңына дейін аяқталуына және кәсіпорынның өндірістік тиімділігін арттыруға байланысты тапсырмалар берді.  


«Атырау МӨЗ» ЖШС Бұқарамен байланыс жөніндегі бөлімі

Назад к списку новостей

Соңғы жаңалықтармен таныс болыңыз.
Таратуға жазылыңыз!
Жазылу