Алтыншы бассейн, яғни апаттық қамбаның беті аспалы құрылыммен жабылып, ондағы құрамында мұнай бар қалдықтар өңделуде.
Жобаның бірінші кезеңі 2022 жылы аяқталды. Екінші кезеңді ағымдағы жылдың соңына дейін аяқтау жоспарланған.
Еске сала кетейік, кәсіпорында 2019 жылдан бері Еуропалық қайта құру және даму банкінің (ЕҚДБ) қарыз қаражаты есебінен қаржыландырылатын Tazalyq экологиялық жобасы жүзеге асырылуда. Жоба аясында ескі механикалық тазарту қондырғыларын және нормативтік-тазартылған сарқынды су каналын қайта құру, булану алаңының бір бөлігін рекультивациялау жұмыстары қарастырылған. Қайта құру нәтижесінде механикалық тазарту қондырғыларының өнімділігі 2 есе артады деп күтілуде. Тазартылған судың жарты бөлігі зауыттың өндірістік қажеттіліктеріне жұмсалып,  Жайық өзенінің суын пайдалану көлемі 9 %-ға  азаяды.