Клубқа отырып ойнайтын волейболға қажет еден жабындары, тіректер мен торлар жиынтығы, сондай-ақ волейбол доптары табысталды.

Бұл жоба мүмкіндігі шектеулі жандарды әлеуметтендіру және өңірлерде әлеуметтік жобаларды дамыту үшін жағдай жасауға бағытталған.

"Самұрық-Қазына" АҚ портфельдік компаниялар мен еншілес компаниялар орналасқан өңірлерде әрқашан әлеуметтік бастамаларды қолдайды.

АМӨЗ қоғаммен байланыс, мемлекеттік органдармен, мердігерлермен жұмыс және әкімшілік мәселелер департаментінің директоры Серік Арыстан қазіргі уақытта мүмкіндігі шектеулі жандарды әлеуметтік қорғау басымдықтардың бірі болып табылатынын атап өтіп, спортшыларға жарқын жетістіктер мен маңызды жеңістер тіледі.

- Жаңа және заманауи спорттық жабдықтар мүмкіндігі шектеулі спортшыларды спортпен шұғылдануға және жеңіске жетуге ынталандырады. Жасалған жағдайлар мүмкіндігі шектеулі жандардың белсенді спорттық өмір сүруіне мүмкіндік береді деп үміттенеміз, - деді жергілікті мүмкіндігі шектеулі жандар клубының директоры Аманбай Қыздарбаев.

Бүгінде мүмкіндігі шектеулі адамдардың толыққанды өмір сүруі мен өзін-өзі жүзеге асыруы үшін барлық қажетті жағдайлар жасалуда. Параспортшылардың әрқайсысы жеңіске деген үлкен ерік-жігерге ие. Ол үшін сізде бәрі бар - жан, жүрек, батылдық және жеңіске деген үлкен ұмтылыс.