Кәсіпорын басшылығымен өткен кеңес барысында М. Мырзағалиев ҚМГ Басқарма төрағасының мұнай өңдеу және мұнай химиясы жөніндегі орынбасары Арман Қайрденовтің жетекшілігімен Жедел штаб құруды тапсырды. Жедел штаб АМӨЗ жабдықтарындағы ақау толық жойылғанға дейін жұмыс істейтін болады.

«Қазіргі кезде орын алған ақауды жойып, зауыт жұмысының қабілеттілігін қалпына келтіру жоспары әзірленді. Алдымен реакторлы-регенераторлық қондырғыны ашып, толық тексеруден өткізу қажет. Сондай-ақ қажет болған жағдайда барлық техникалық ақауларды жою керек. Қазір каталитикалық крекинг қондырғысының тоқтатылуының мұнай өнімдерін шығару процесіне әсерін бағалау жұмыстары жүргізілуде. Өзге қондырғылар штаттық режимде жұмыс істеп тұр»

Ел бойынша отын тапшылығына жол бермей, ашық түсті мұнай өнімдерін көбірек өндіру мақсатында «ҚазМұнайГаз» Басқарма Төрағасы барлық үш мұнай өңдеу зауытының жүктемесін оңтайландыруды тапсырды.