«Самұрық-Қазына» АҚ компаниялар тобының қолдауымен толықтай  жөндеу жүргізіліп, жаңа оңалту жабдықтары орнатылған «Зейін-Атырау» ерекше балаларды дамыту орталығының салтанатты ашылу рәсімі өтті.
   «Samruk-Kazyna Trust» әлеуметтік жобаларды дамыту қоры Томатис-терапияның заманауи әдістемесін енгізуді, балалармен сабақ өткізуге арналған сенсорлық бұрыш құруды және балалар бассейнін орнатуды қаржыландырды. Жобаның құны 27 миллион теңгеден асты.
   Орталықта ай сайын 102 бала оңалтудан өтеді. Үш жыл ішінде орталықта тәрбиеленген 30-ға жуық ерекше бала қатарластарымен бірге балабақшаға баруға мүмкіндік алды, ал 15 бала мектеп табалдырығын аттады.
   «Самұрық-Қазына» АҚ портфельдік компаниялары мен еншілес ұйымдарымыз орналасқан өңірлерде әрқашан әлеуметтік бастамаларды қолдайды – осылайша біз бүкіл ел бойынша өмір сүру сапасын бірге жақсартамыз», - деді «Samruk-Kazyna Trust» әлеуметтік жобаларды дамыту қорының бас директоры Альфия Адиева.
   Өз сөзінде ол «Атырау МӨЗ» ЖШС, «Ембімұнайгаз» АҚ және әлеуметтік жобаларды қаржыландыру мен іске асыруда «Самұрық-Қазына» компаниялар тобына кіретін Атырау өңірінің басқа да компанияларының маңызды рөлін атап өтті.
   Естеріңізге сала кетейік, 2015 жылдан бастап Атырау МӨЗ демеушілік және қайырымдылық көмек көрсету жұмыстарын тоқтатқан болатын. Ал 2016 жылы «Самұрық-Қазына» компаниялар тобының қайырымдылық және демеушілік жобаларының бірыңғай операторы болып табылатын «Samruk-Kazyna Trust» әлеуметтік жобаларды дамыту қоры құрылып, «Самұрық-Қазына»АҚ еншілес барлық компаниялардың атынан халық үшін әлеуметтік маңызы бар мәселелерді шешуге бағытталған қайырымдылық жобалар мен бағдарламаларды іске асырып келеді.
   Аталмыш жоба аясында ерекше білім беру қажеттілігі бар 50 балаға арналған «Зейін-Атырау» ерекше балаларды дамыту орталығында 120 тегін курс ұйымдастырылды. Сертификаттарды табыстау құрметі «АМӨЗ» ЖШС қоғаммен байланыс, мемлекеттік органдармен, мердігерлік ұйымдармен жұмыс және әкімшілік мәселелер департаментінің директоры Серік Арыстанға және «Ембімұнайгаз» АҚ бас директорының кадрлық және әлеуметтік мәселелер жөніндегі орынбасары Гүлбану Шарафетдиноваға берілді.