Атырау мұнай өңдеу зауытының жұмысшылары 10 қазан – Қазақстанның кәсіподақтары күніне орай өткен салтанатты шараға қатысты.
   Жиналғандарды мерекемен құттықтаған Атырау облысы Кәсіподақтар бірлестігі төрағасының м.а Еділ Ұзақбай АМӨЗ-де ұйымдастырылған кәсіподақ ұйымының табысты жұмысын ерекше атап өтті. «Атырау мұнай өңдеу зауытында зиянды еңбек жағдайында жұмыс істеу, жұмысшыларға әлеуметтік қолдау көрсету мәселелері қолға алынған. Әлеуметтік еңбек саласындағы маңызды мәселелердің шешілуіне жан-жақты қатысуда сараптамалық және ұйымдастырушылық көрініске ие», - деді ол.
   Іс-шара барысында кәсіподақ жұмысында белсенділік танытқан зауыт қызметкерлері марапатталды. Атырау мұнай өңдеу зауыты кәсіподақ комитетінің мүшелері Бахберген Кумаров пен Гүлжан Кенжеғалиева ҚР Кәсіподақтар федерациясының «Құрмет» грамотасына, Сайын Кухаев Атырау облыстық мәслихатының алғыс хатына  ие болды. АМӨЗ ардагерлерінен жасақталған «Сударушка» хорының құрылғанына 35 жыл толуына орай зауыттың кәсіподақ ұйымы атынан алғыс хат пен қаржылай сыйақы табысталды.
   «Зауытта жұмыс істегеніме 29 жыл болды. Жылдың соңында зейнет демалысына шығамын. Кәсіподақтар күніне орай алғаш рет алғыс хат алып отырмын. Қуаныштымын. Ұзақ жылдар бойғы еңбегімнің еленгені деп білемін», - деді АМӨЗ жұмысшысы Сайын Кухаев.
   Ресми бөлімнің соңында «Сударушка» хоры кәсіподақ мүшелерін мерекелерімен құттықтап, әсем әндерін тарту етті.