Қоғамдық экологиялық кеңес тобы 13 адамнан құралады. Сарапшылар тобында зауыт басшылығы, кәсіби экологтар мен экоактивистер, техника ғылымдарының кандидаттары, экономика ғылымдарының докторы, депутаттар, БАҚ өкілдері және қала тұрғындары бар.
Экологиялық кеңесті құрудың мақсаты азаматтық қоғамның АМӨЗ өндірістік қызметінің шешімдерін қабылдау процесіне қатысу мүмкіндігі, азаматтық қоғамның қоршаған ортаны қорғау саласындағы АМӨЗ қызметі және экологиялық жобаларды іске асыру туралы пікірін білдіру және экологиялық проблемаларды шешуде тиімді ұсынымдар әзірлеу.
Жиналыс барысында «АМӨЗ» ЖШС Бас директоры Мұрат Досмұратов сөз сөйледі:
- Бұл біздің экологиялық кеңес ретіндегі алғашқы кездесуіміз. АМӨЗ үздіксіз негізде мұнай өңдеуді және мұнай өнімдерін өндіруді қамтамасыз ететін бірінші санаттағы өрт және жарылыс қаупі бар өнеркәсіптік объект болып табылады. Экологиялық тәуекелдерді тиімді басқару үшін бізде барлық құралдар бар, егер зауытта қала экологиясына әсер ететін проблемалар туындаса, біз оларды сіздермен бірге шешкіміз келеді. Біздің инженерлер, технологтар зауыттың қауіпсіздігіне көп көңіл бөледі. Қазіргі уақытта TAZALYQ жобасы бойынша жұмыс жүргізілуде, оған АМӨЗ аумағындағы механикалық тазарту құрылыстарын қайта жаңарту кіреді. Су тұтынуды азайту бойынша бізде нақты ұсыныстар мен жоспарлар бар.
Жалпы, сізден барлық зауыттық технологиялық процестерді зерделеуді және өндірістік тәуекелдерді объективті талдауды сұраймын. Талдау нәтижесінде біз нақты ұсыныстар мен экологиялық кеңестің жұмыс жоспарын әзірлей аламыз және бірге жұмыс жасай аламыз. Мен кәсіпорын басшысы ретінде кеңестің құрылуын өзім қолдадым және осы бірлестіктің тиімді жұмыс істегенін қалаймын.
Шынар ІЗТЕЛЕУОВА, «Жайық-Каспий Орхус орталығы» корпоративтік қорының жетекшісі, Атырау облысы Қоғамдық Кеңесінің мүшесі:
- Қоғамдық экологиялық кеңес - бұл халық пен «АМӨЗ» ЖШС үшін диалог алаңы. Сіз осындай сараптамалық құрамда қоғамдық экологиялық кеңес құрған алғашқы кәсіпорын болдыңыз. Бірлескен жұмыс Атырау қаласы тұрғындарының игілігіне бағытталады деп үміттенеміз.
Экологиялық омбудсмен Салтанат Рахимова қатысушыларды кеңес мүшелері қабылдаған бірлескен түзетулерден кейін қоғамдық экологиялық Кеңес туралы Ережемен таныстырды. Экологиялық кеңестің теңтөрағасы болып Ш.Изтелеуова мен А. Шошанбасов сайланды.
Сұрақтар мен жауаптар сессиясынан кейін қоғамдық кеңестің мүшелері кеңестің регламенті мен жұмыс жоспарын, кеңестер өткізу кестесін және оған Кеңес мүшелерінің онлайн қатысу мүмкіндігін әзірлеуді шешті.
Отырыс соңында қоғамдық кеңес мүшелері зауыт аймығында күкірт өндіру қондырғысы жұмысының барлық кезеңдерімен және жалпы өндіріс барысының ерекшеліктерімен танысты. Одан әрі делегация механикалық тазарту құрылыстарының (МТҚ) алаңына барды, қазіргі кезде механикалық тазарту құрылыстарын қайта жаңартудың 1 кезеңі аяқталуға жақын.
«АМӨЗ» ЖШС еңбекті, қоршаған ортаны қорғау және азаматтық қорғау жөніндегі басқарушы директор Әділет Шошанбасов пен күрделі құрылыс департаментінің директоры Рулан Ажгалиев қатысушыларды зауыттың қоршаған ортаны қорғау жөніндегі іс-шаралар жоспарының орындалу барысымен таныстырып, Tazalyq жобасының жай-күйі, оның іске асырылу барысы және зауыт аумағындағы МТҚ құрылысының барлық кезеңдері туралы айтып берді.
Қоғамдық экологиялық кеңестің мүшелері өздерін қызықтыратын барлық мәселелер бойынша, сондай-ақ зауытта енгізілетін жаңалықтар мен инновациялар туралы толық ақпарат алды.


Баспасөз қызметі