Жыл сайын дәстүр бойынша Жеңіс күнінде Атырау мұнай өңдеу зауытында кезінде қызмет еткен соғыс ардагерлері құттықтаулар қабылдайды. Зауытта қызмет еткен 300-ден астам соғыс ардагерінің бүгінде арамызда үшеуі ғана бар. Ұлы Жеңістің 71 жылдығында Иван Отрошко, Шаукет Бареев және Валентина Коноплеваларға зауыт ұжымы атынан құрмет көрсетілді. «АМӨЗ» ЖШС кәсіподақ комитетінің төрағасы Кенжебек Шахметов пен персоналдарды басқару жене еңбекақы төлеу бөлімінің бастығы Әсел Жайлашева ардагерлерге зауыттың бас директоры Қайрат Оразбаевтың құттықтауы жазылған хатын, сыйлық салынған кәрзеңке мен ақшалай сыйлықтар табыстады. Ұлы Отан соғысының ардагерлері өз кезегінде зауыт ұжымына алғыстарын білдіріп, үлкендік баталарын берді.