Кездесуге сондай-ақ ҚР Мұнай және газ, Еңбекті және халықты әлеуметтік қорғау министрліктерінің, Маңғыстау облысы әкімдігінің, ҚР кәсіподақтар федерациясының, «Самұрық-Қазына» ҰӘҚ» АҚ жанындағы әлеуметтік әріптестік орталығының, Мұнай-газ саласы қызметкерлері салалық кәсіподағының өкілдері қатысты.

Шараны ұйымдастырудағы негізгі мақсат - «ҚазМұнайГаз» ҰК АҚ даму стратегиясын, ҚМГ мен еншілес және тәуелді ұйымдар кәсіподақтары арасындағы өзара іс-қимылды нығайту және әлеуметтік-еңбек қатынастарын реттеу үшін ҚМГ-дегі әлеуметтік және кадр саясатын түсіндіру.

«Дөңгелек үстел» отырысын өткізер алдында, яғни, 2-3 сәуір күндері «ҚазМұнайГаз» ҰК АҚ кәсіпорындары кәсіптік одақтарының 60 көшбасшысына арналған оқу ұйымдастырылып, қатысушылар ҚМГ компанияларының қолданыстағы кадр саясатымен танысып, іс-тәжірибе алмасты. Олардың қатарында «Атырау МӨЗ» ЖШС кадр жөніндегі басқарушы директор – аппарат жетекшісі Қанат Қабденұлы Қабденов, кәсіподақ төрағасы Құсайын Мауысұлы Урымбасаровтар да бар. Бұдан басқа ҚМГ компаниялар тобының кәсіпорындардағы әлеуметтік-еңбек мәселелеріне жауапты басшылық құрамының 40 өкілі оқу курсынан өтті.

Семинар-кеңестің үш күндік жұмысының қорытындылары бойынша «ҚазМұнайГаз» ҰК АҚ пен «Мұнай-газ саласы қызметкерлерінің салалық кәсіподағы» РҚБ тұлғасында еншілес және тәуелді ұйымдар кәсіподақтары арасындағы әлеуметтік-еңбек қатынастарын реттеу саласындағы өзара іс-қимыл туралы келісімге қол қойылды.