Қаңтар айында Қоғамдағы 22 зейнеткер мерейтойлық жастарын атап өтпек. Олардың қартайғандары кездесуге келе алмаса да, көпшілігі жайылған дастарханда бас қосты. Мерейтой иелерінің алды 90 жаста, орта жастағысы-70, ең жасы -60 жаста. Олардың бәрі де Атырау мұнай зауытына 30-40 жыл өмірін арнаған майталман мамандар. Сондықтан да зауыт басшылығы ардагерлердің еңбегін бағалап, артынан еріп келе жатқан жастарға тәлімін әрдайым ескеріп келеді. Осы кездесу барысында зауыт кәсіподақ комитеті төрағасының орынбасары Қанат Қабденов мерейтой иелеріне басшылық атынан ақжарма тілегін жеткізді:

-         Сіздерді Атырау мұнай өңдеу зауытының ұжымы мерейтойларыңызбен шын жүректен құттықтайды! Сіздерге зор денсаулық, отбасыларыңызға амандық тілейміз.  Зауыт қандай қаржылық қиындық болса да жұмысшыларына әлеуметтік жағдайды жасап отырады. Сондай-ақ, біз ардагерлерімізді де ұмытпаймыз. Басшылық тарапынан Сіздерге жасалып жатқан қамқорлықты өздеріңіз білесіздер. Бұл игілікті іс алда да жалғасатын болады.

Қанат Қабденұлы барлық мерейтой иелеріне Алғыс хаттар мен бағалы сыйлықтар табыс етті. Өз кезегінде мерейгерлер де зауыт ұжымына үлкендік ризашылығын айтып, ақ баталарын берді.