Жоспарлы алдын алу жұмыстары барысында қондырғыда өте күрделі жұмыстар жүргізілді. П-1 пештерінің конвекциялық иректүтіктері және Koch-Glitsch компаниясымен бірлесіп К-1 бағанының ішкі құрылғылары ауыстырылды. Жөндеу барысында FLEXITRAY®️ заманауи табақшалары орнатылып, шикізат таратқыштары жаңартылды. Жоғары температура мен агрессивті ортаға төзімді материалдар қолданылды. Бұл шаралар технологиялық жабдықтың сенімділігін арттыруға және ашық түсті мұнай фракцияларын іріктеу көрсеткіштерін жақсартуға бағытталған.
Сонымен қатар керосин фракциясын К-2 бағанынан гидротазартуға шығару бойынша техникалық шешім іске асырылды. Бұл авиаотын өндіру көлемін ұлғайтады.
АМӨЗ-де жоспарлы алдын алу жұмыстары 1 қазанда басталғанын еске саламыз. Өндірістік процестерге 2 097 маман және 80 бірлік техника жұмылдырылды. Жұмыстар тәулік бойы жүргізіліп жатыр. Бекітілген жоспардың кестесіне сәйкес 25 қазаннан бастап технологиялық қондырғыларды кезең-кезеңімен пайдалануға беру басталады.
Назад к списку новостей
