АМӨЗ-дің санитарлық-қорғау аймағында агротехникалық жұмыстар жалғасуда

Жұмыстарды арнайы мамандандырылған мердігер компания жүзеге асыруда. Басты міндет —  жасыл желектерге жүйелі күтім жасау: суару, топырақты қопсыту және жабындау, тыңайтқыш себу және т.б. Сонымен қатар, апта сайын аумақ құрғақ шөп, бұтақ және өзге де өсімдік қалдықтарынан тазартылады. 

2025 жылдың үшінші тоқсанында санитарлық-қорғау аймағының топырағына зертханалық зерттеулер жүргізу жоспарланған. Зерттеулер нәтижесінде топырақтың құнарлылығын арттыру, көгалдандыру және аумақта егуге қолайлы ағаш-бұта түрлері бойынша сараптамалық қорытынды жасалады. 

«Экологиялық қауіпсіздік — компаниямыздың негізгі басымдықтарының бірі. Біз тұрақты әрі экологиялық таза жасыл аймақ қалыптастыру мақсатында санитарлық қорғау аймағын абаттандырудан бастап топырақ зерттеулеріне дейінгі іс-шараларды жүйелі түрде іске асырып келеміз. Бұл жұмыстар алдағы уақытта да жалғасын табады. Биыл күзде осы аймаққа жаңа жасыл желектер отырғызуды жоспарлап отырмыз», — деді қоршаған ортаны қорғау бөлімінің басшысы Абзал Теміров.

Еске салайық, бүгінде АМӨЗ-дің санитарлық-қорғау аймағының жалпы аумағы 805 гектарды құрайды. 2025 жылдың сәуір айынан бастап аймақтың нақты шекараларын анықтау мақсатында атмосфералық ауаға зертханалық бақылау жұмыстары жүргізілуде. Зерттеу жұмыстарын 2026 жылдың көктемінде аяқтау жоспарланып отыр. 


«АМӨЗ» ЖШС Баспасөз қызметі