Өндірістегі қауіпсіздікке үлес қосқандар марапатталды

Зауыттың кәсіподақ ұйымы мен қауіпсіздік және еңбекті қорғау қызметі ұйымдастырған конкурсқа қатысуға 14 бөлімше мен 92 қызметкер өтініш білдірді. Арнайы комиссия қатысушылардың қауіпсіздік техникасы ережелерін білу және өндірісте қолдану деңгейін, сондай-ақ өмірлік маңызды қағидаларды меңгеруін жан-жақты бағалады.

Байқау қорытындысы бойынша «Еңбекті қорғау және қауіпсіздік техникасы бойынша ең үздік өндіріс» номинациясында Мұнай өңдеу және мұнай өнімдерін терең күкіртсіздендіру өндірісі жеңімпаз атанды. «Еңбекті қорғау және қауіпсіздік техникасы бойынша ең үздік зертхана» номинациясында Санитарлық-өндірістік зертхана жеңіске жетті. Ал «Еңбекті қорғау және қауіпсіздік техникасы бойынша ең үздік қызметкер» номинацисында тестілеуден ең жоғары ұпай жинаған 46 зауыттық марапатталды.

Бас директордың өндіріс жөніндегі орынбасары – бас инженер Нұрлан Ещанов зауыттықтарға белсенділік танытқандары үшін алғыс білдіріп, тоқсан сайын өткізілетін байқау қауіпсіздік мәдениетін арттыру құралы ғана емес, сонымен қатар кәсіпорынның тұрақты дамуының маңызды элементі болатынын айтты.