Атырау МӨЗ сыбайлас жемқорлыққа қарсы іс-қимыл саласындағы сертификаттаудан сәтті өтті

Екі кезеңнен тұратын сертификаттау аудиті барысында аудиторлар зауыттың мұнай өнімдерін өндіру саласындағы парақорлыққа қарсы іс-қимыл менеджменті жүйесін бағалады. Тексеру кезінде сыбайлас жемқорлық тәуекелдерін басқару, қызметкерлерді оқыту, сатып алу процестері, іскерлік серіктестермен өзара іс-қимыл және ішкі бақылау шаралары қаралды.

Аудит қорытындысы бойынша стандарт талаптарына қатысты сәйкессіздіктер анықталған жоқ.
Сертификаттың берілуі кәсіпорында қолданыстағы жүйенің белгіленген талаптарға сәйкестігін, сондай-ақ Атырау МӨЗ-дің ашықтық, іскерлік әдеп және сыбайлас жемқорлыққа қарсы іс-қимыл қағидаттарына адалдығын растайды.

Кәсіпорын алдағы уақытта да қолданыстағы бақылау тетіктерін жетілдіріп, жүйенің нәтижелі жұмыс істеуін қамтамасыз ету және қызметкерлер мен іскерлік серіктестердің сенімін нығайту бағытындағы жұмыстарды жалғастырады.