Атырау МӨЗ-де өрт-тактикалық оқу-жаттығу өтті

Сценарийге сәйкес, ароматты көмірсутектерді айдау кезінде сорғының айдау желісіндегі фланецтік қосылыстан мұнай өнімінің ағуы орын алып, кейіннен тұтану болды. Шартты өрт 40 минут ішінде толықтай сөндіріліп, зардап шеккен адамға қажетті медициналық көмек көрсетілді.
Оқу-жаттығуға 58 адам қатысты. Олардың қатарында зауыт мамандары, «Семсер-Өрт сөндіруші» ЖШС және Атырау облысы Төтенше жағдайлар департаментінің қызметкерлері бар. Сонымен қатар 11 бірлік арнайы техника жұмылдырылды.
Іс-шара Атырау МӨЗ персоналының төтенше жағдайға дайындығын бағалауға, сондай-ақ зауыт бөлімшелері мен Атырау қаласының өрт сөндіру қызметі арасындағы өзара іс-қимылды пысықтауға мүмкіндік берді.

«Атырау мұнай өңдеу зауыты» ЖШС Баспасөз қызметі