Тексеріс кезінде Атырау мұнай өңдеу зауытының қауіпсіздік және еңбекті қорғау қызметінің (ҚжЕҚҚ) мамандары: жылдамдықты арттыру, қауіпсіздік белдігін тақпау, алғашқы медициналық көмек көрсету қобдишасының және жүргізуші куәлігінің болмауы, сондай-ақ дәрі-дәрмектер мерзімінің өтіп кетуі секілді бірқатар бұзушылықтарды анықтады.
ҚжЕҚҚ инженерлері тиісті актілер толтырып, жүргізушілерден түсініктеме алып, профилактикалық жұмыстар жүргізді. Актілер әрі қарай шара қолдану үшін мердігер ұйымдардың басшыларына жолданды.
Еңбекті қорғау жөніндегі бас техникалық басшы-қызмет басшысы Арман ДИМУКАШЕВ мұндай айлықтар көлік тізгіндеушілер арасындағы тәртіпті жақсартуға септігін тигізетінін айтып, жол қозғалысы қауіпсіздігін сақтаудың маңыздылығын еске салды. «Жүргізушілерді көлік жүргізу мәдениеті мен жеке қауіпсіздікті сақтауға, өзінің және өзгенің өміріне жауапкершілікпен қарауға шақырамын», - деді ол.
АМӨЗ-де көлік қауіпсіздігі бойынша айлық жылына екі рет өткізіледі.