Тағылымдамадан өтушілерді екі кезеңнен тұратын конкурс нәтижелері бойынша зауыт комиссиясы іріктеді: тестілеу, оның барысында теориялық білімдері тексерілді және зауыт мамандарымен әңгімелесу.

        Студенттер өндірісте екі ай бойы білім алады. Әр студентке тәлімгер тағайындалады, ол оны белгілі бір мамандық бойынша практикалық дағдыларға үйретеді. Тағылымдамадан өтушілер арнайы киіммен, аяқ киіммен және қажетті ЖҚҚ-мен қамтамасыз етіледі, сондай-ақ оларға 1 ең төменгі жалақы мөлшерінде ай сайынғы өтемақы төлемі төленеді.

Дуалды оқыту өндірістегі тәжірибенің 60% - ын және теорияның 40% - ын көздейді. Осылайша, теориялық дәрістер практикалық сабақтармен кезек-кезек өткізіледі.

"Мен гидрогенизациялық процестер өндірісінде газойльді гидротазарту және депарафиндеу қондырғысында дуалды оқытудан өтіп жатырмын. Қазір менде таныстыру кезеңі – яғни, технологиялық регламентті оқып жатырмын. Жалпы, зауыттың ауқымы маған қатты әсер етті. Бірінші кезекте, бұл мұнайды бастапқы және қайталама өңдеу жөніндегі технологиялық қондырғылар. Мұның бәрін теорияда зерттеу бір нәрсе, ал процесті өз көзіңізбен көру мүлдем басқа. Оқу соңында менде неше түрлі әсерлер болатынына сенімдімін", - дейді APEC PetroTechnic жоғары колледжінің студенті Әлихан Жасақбаев.

Атырау МӨЗ - де дуальді оқытудың өзіндік стандарты әзірленгенін атап өту қажет, соның арқасында студенттер бастапқы процестерден бастап екінші деңгейге дейінгі барлық технологиялық үдерістермен танысуға мүмкіндік алады.

Естеріңізге сала кетейік, аталған жоба АМӨЗ-де 2018 жылдан бастап жүзеге асырылуда. Осы уақыт ішінде 75 студент дуалды жүйе бойынша оқытудан өтті. Қорытынды тестілеу нәтижелері бойынша 24 адам компанияда жұмыс жасауға мүмкіндік алды. Олардың 18-і-С. Өтебаев атындағы Атырау мұнай және газ институтының студенттері, төртеуі APEC PetroTechnic-ті бітірген, екеуі- С. Мұқашев атындағы Атырау политехникалық колледжінің түлектері.

                                                                                              Қоғаммен байланыс бөлімі