Заман талабына қарай мүмкіндікті пайдалану және өнім сапасын арттыру мақсатында ҚМГ-ӨМ компаниялар тобы «Lean 6 Sigma» бағдарлмасын енгізуді қолға алды.
2016 жылдың 26-30 қыркүйегі аралығында «Жасыл Белбеулер үшін Lean алты сигма курсы» бағдарламасы бойынша  «ҚазМұнайГаз – өңдеу және маркетинг» АҚ, «АМӨЗ» ЖШС, «ПМХЗ» ЖШС, «ПетроКазахстанОйлПродактс» ЖШС, «ҚазМұнайГаз Өнімдері» ЖШС, "СП "CASPI BITUM" ЖШС қызметкерлерін оқыту басталды. Оқу бағдарламасында тек қана мамандарды жаңа әдіске үйрету ғана емес, сонымен қатар өндіріс процесін жандандыру мен өнім сапасын арттыруға нақты жобаларды енгізуге машықтанады. Ол үшін маман кәсіпорнындағы проблемалық мәселелерді айқындап, «DMAIC» қағидасы бойынша ңс-шаралар жоспарын жасақтайды, жобаның демеушісін бекітеді де оны кәсіпорынның өндірісінде жүзеге асырады.   Осыдан кейін ғана аталған жобаны «Жоғыр деңгейде» қорғаған маман «Жасыл белбеу» біліктілігін алып шығады.
    «АМӨЗ» ЖШС тарапынан оқуға төмендегі қызметкерлер қатысты:
1.    Кайрлиев Ибрайым Әділханұлы – техникалық бөлімнің жетекші инженері.
2.    Бикбаев Ринат Абдуллаұлы – бас механиктің орынбасары.
3.    Шумилов Сергей Александрович – энерготиімділік жөніндегі жетекші инженері.
4.    Костерин Александр Борисович – техникалық бөлімі бастығының инновациялық даму жөніндегі орынбасары.
5.    Рудаков Игорь Олегович – бас энергетик бөлімінің инженер-электригі.
Оқу аяқталған соң «Жасыл белбеулер» Lean и Six Sigma тұжырымдамасын қолдану арқылы өндіріске жобалар жасақтайтын болады. Бұл аз қаржы шығынын жұмсау арқылы қысқа мерзімде өндірістік өнімдердің сапасын жақсартуға мүмкіндік бермек.