Атырау мұнай өңдеу зауытының ұжымы «Нұр Отан» партиясының «Кедергісіз келешек» жобасы аясындағы қайырымдылық шарасына атсалысты. Естеріңізге сала кетсек, осы жылдың мамыр айының аяғында зауыттағы жастар ісі жөніндегі кеңесі «Жас Отан» жастар қанатымен бірлесіп мұқтаж жандарға көмектесу жөнінде барша кәсіпорын жұмысшыларына үндеу тастаған болатын. Мақсат- тұрмысы төмен отбасыларына жәрдем беру. Ол киім-кешектей, ойыншықтар мен мектеп жинақтарындай қабылданды. Зауыттықтар бұл үндеуге бір кісідей атсалысып, балалар және үлкендер киім-кешегін, ойыншықтар мен мектеп жарақтарын, басқа да қажетті заттарды жинады. Барлық жиналған мүліктерді зауыт белсенділері Юрий Кустадинчев, Сағи Бекбаев жіне Диас Нұржановтар 1 шілдеде «Нұр Отан» партиясының облыстық филиалына апарды. Бұл күні филиалға тұрмысы төмен отбасылар жиналған болатын. Партия филиалының қоғамдық қабылдауына күніне ондаған мұқтаж жандар келіп түрлі көмек сұрайды. Мұқтаждарға қоғам болып жәрдем беру мақсатында «Кедергісіз келешек» жобасы дүниеге келген болатын. Айтқандай, оған кез келген адам қатыса алады. «Нұр Отан» партиясы облыстық филиалының саяси бөлім меңгерушісі Данагүл Жайлаубаева қайырымдылық акциясына қатысуға тілек білдірген барлық мекеме, ұйымдарға, соның ішінде Атырау мұнай өңдеу зауытының ұжымына алғысын білдірді. Шара барысында зауыттың жастар ісі жөніндегі кеңесінің төрағасы Юрий Кустадинчев «Атырау МӨЗ» ЖШС бас директоры Қайрат Оразбаевтың әлеуметтік саясатқа басым бағыт беретінін атап өтті. Сондықтан да зауыттықтар қашанда игі стің басынан табылады. Акция қасиетті Рамазан айында өткізілгендіктен маңызы да арта түскендей. Акцияға көмекке зәру жандар отбасыларымен келді. Аналары балаларына қажетті киім-кешекті таңдап жатқанда, балғындар ойыншықтарды бөлісіп алды. Светлана Есмұханова – 10 баланың анасы. «Алтын алқа» иегері. Өзі үй шарусында, жұбайы ғана жұмыс істейді. Отбасылық бюджетін айлық табыс жұбайының табатын 35 мың теңгесі мен балаларға берілетін азын-аулақ жәрдемақы ғана құрайды. Көпбалалы ананың 12 немересі бар. Осындай акциялар бізге үлкен көмек,- дейді батыр ана. Бұл жерде ол балаларына киім кешек таңдады, өзіне де киетіндер табылды. Ал, Наталья Лебедева жалғыз өзі жеті баланы тәрбиелеп отыр. Айына кіретін 28 мың теңге күнкөрісіне жетпей, мұқтаж болып қалатын кездері жиі кездеседі. Наталья барлық қайырымды адамдарға аналық ризашылығын білдіріп, алғысын айтуда. Шынар Төребаева акцияға төрт баласымен келіпті. Баласының алды 9 жасқа келген, кішісі енді 2-ге толады. Балғындар ойыншықтарға қарық болып, бір жасап қалды. Аналары балаларына келетін қыстық киім таңдап алды. Шынар көзіне жас алып тұрып, қайрымыдылық көрсеткен барша зауыттықтарға, «Нұр Отан» партиясына алғысын айтты.