ГТЭС

Қазақстанда Атырау қаласында

 «АМӨЗ»ЖШС қажеттіліктері үшін қуаты 154 МВт ГТЭС-ті инвестициялауға және салуға қатысу үшін 

серіктестікке шақыру

1.     «АМӨЗ» ЖШС компаниясы туралы

Атырау мұнай өңдеу зауыты («АМӨЗ» ЖШС) — Қазақстанның жетекші үш мұнай өңдеу зауытының бірі. Қайта өңдеудің жобалық қуаты жылына 5,5 млн тоннаны, қайта өңдеу тереңдігі 86,4%-ға дейін құрайды.

Мұнай өңдеу зауытының иесі «ҚазМұнайГаз» ҰК» АҚ (99%) болып табылады.

Кәсіпорын тауарлық мұнай өнімдерінің 20-дан астам (таңбалауды ескере отырып) атауларын шығарады: сұйытылған отынды көмірсутекті газдар; автомобиль, дизель отындары; реактивті қозғалтқыштарға арналған отындар, вакуумды газойль, пеш отыны, мазут, кеме отыны, мұнай кокстары, техникалық күкірт, параксилол, бензол және т.б.  Бүгінгі таңда зауыт — Қазақстандағы мұнай-химия өнімдерінің жалғыз өндірушісі.

Кәсіпорын өңірдегі ең ірі салық төлеушілердің бірі бола отырып, Атырау облысының экономикасына елеулі үлес қосады.

Бүгінгі күні зауыттың электрмен жабдықтау жүйесінде зауыттың жаңа бөлігіне (ХКӨ кешендері және МТӨӨ) арналған қуаты 30 МВт және 220 кВ зауыттың меншікті ЖЭО-мен («KEGOC» АҚ «ПС-220 Атыраудан» қоректендіру) қатар жұмыста 35 кВ кернеу сыныбы бойынша (Атырау ЖЭО-дан қоректендіру) екі жүйесі бар. Зауыттың ескі бөлігінде электрмен жабдықтау екі электрмен жабдықтау көздерімен теңдестірілген, бұл сенімділік пен жоғары апатсыздық деңгейін қамтамасыз етеді. Зауыттың жаңа бөлігінде тек бір ғана қуат көзі бар және резервтік көзі жоқ.

«АМӨЗ» ЖШС кәсіпорынның энергия сенімділігін қамтамасыз ету мақсатында газ-турбиналық электр станциясын салу мен пайдалануда оң беделі мен мол техникалық тәжірибесі бар компаниямен ынтымақтастық орнатуға ниетті.

2.     Әлеуетті серіктес үшін жобалау және инвестициялау жөніндегі жұмыстардың көлемі

a.      Газ-турбиналы электр станциясын салу мен пайдалануға қатысты терең сараптамалық білімі бар жобаны басқарудың жоғары білікті тобын ұсыну.

b.     154 МВт/сағ электр энергиясын және буды (10-60 т/сағ, 12℃, 270-300℃) өндіру үшін қажетті құрылыстар мен тиісті инфрақұрылымды кешенді жобалау, қаржыландыру, салу, пайдалану және техникалық қызмет көрсету.

c.      ГТЭС қажеттіліктерін қамтамасыз ету үшін су құбыры мен газ құбырын салу.

d.     «АМӨЗ» ЖШС маңында болашақ жоспарланған объектілер үшін 5-15мвт*сағ электр энергиясын резервтеу.

3.     АМӨЗ үшін жоба бойынша жұмыстардың көлемі

a.      Атырау облысында электр және жылу энергиясын өндіруге қажетті құрылыстар мен басқа да инфрақұрылымдарды орналастыру үшін жер учаскесін беру.

b.     Қуаты 154 МВт газ-турбиналы электр станциясын салу және пайдалану үшін қажетті реттеуші органдардың барлық қажетті рұқсаттарын алу (немесе алуға жәрдемдесу).

c.      Электр және жылу энергиясына ақы төлеуді және үздіксіз қажеттілікті қамтамасыз ету.

4.     Серіктестік ынтымақтастық туралы ұсынысқа шақыру:

Осы арқылы мүдделі ұйымдарды «АМӨЗ» ЖШС компаниясына 2023 жылғы 1 қыркүйекке дейінгі мерзімде ұсынылатын ынтымақтастық жөніндегі құжаттаманың кешенді пакетін беруге шақырамыз, оған мыналар кіреді:

a.      Қуаты 154 МВт ГТЭС жобасы бойынша ынтымақтастыққа мүдделілік туралы өтініш.

b.     Әлеуетті серіктес ретінде әрекет ететін заңды тұлғаның сипаттамасы, оның ішінде газ-турбиналы электр станциясын жобалау, салу және пайдалану үшін қаржылық және техникалық мүмкіндіктердің болуын көрсететін жұмыс тәжірибесінің сипаттамасы.

c.      «АМӨЗ» ЖШС электр және жылу энергиясын сатумен «Жобалау-құрылыс-иелену-пайдалану-қызмет көрсету» схемасы бойынша жобаның іскерлік қатынастарын іске асырудың толық сипаттамасы.

d.     «ҚазМұнайГаз» ҰК» АҚ және «АМӨЗ» ЖШС-мен одан әрі келіссөздерге жауапты басшылық қатарынан тағайындалған байланыс тұлғалары.

e.      Ынтымақтастықтың маңызды болып табылатын кез келген басқа элементтері.

5.     Қосымшалар

a.       «АМӨЗ» ЖШС электрмен жабдықтаудың қолданыстағы схемасы

b.      Жобаның болжамды схемасы

c.       Газбен жабдықтаудың болжамды схемасы

d.      ГТЭС және сумен жабдықтаудың болжамды схемасы

e.       ГТЭС іске асырудың алдын ала кестесі

 f.      Іріктеудің негізгі өлшемшарттары

А қосымшасы

B қосымшасы